Online hüquqi yardım

Ad, soyad, ata adı: *
Telefon:
Elektron poçtunuz:
Digər əlaqə vasitəniz
(İCQ, MSN, Skype və s.):
Yaşınız:
Yaşadığınız yer
(ölkə, rayon, şəhər):
Sualınızı və ya probleminizi yazın (ərtaflı) *
Təhlükəsizlik kodu:
Kodu daxil edin: *
 


Heziyeva Turkan Rovsen qizi
 12.11.2013
Sual:
Salam turk vetendasi ile aile qurmaq ucun hansi senedler lazimdir?her 2 terefin subayliq kagizi teqdim etmesi zeruridir?
Cavab:
Salam. Bəli, hər iki tərəf subaylıq haqqında arayış təqdim etməlidir.

İHHK-nın Hüquqi Yardım Mərkəzi
Çərkəzova Cahan Ziyəddin
 11.11.2013
Sual:
salam. men 2011-ci ilin iyun ayında nigaha daxil olmuşam. 2012-ci ilin noyabr ayında resmi olaraq boşanmışam. bir övladım da var. onunla dalaşıb evden çıxanda qızıllarımı da qoyub çıxdım. hal -hazırda işimiz məhkəmədədi. ancaq mən evdən əşyaları çıxarmağa gedəndə ldilimdən intizam kimi yasamal rayonunda olan evdən qeydiyyatdan çıxacağımı qeyd etdim. orda qızıllarımı da , ancaq uşagımın qolbaq və sepini götürdüyümü qeyd etdim. əvvəlki yoldaşım uşagın sözünü kserikslə yox edib. ümumiyyətlə natariusda tesdiqlenmeyen bir kağız parçası mehkemede delili olaraq göstərilə bilər? insi sumqayıt şəhərində böyük bir evdə oturur. 30.4 də qeyd olunur ki, xüsusi hallarda müvəqqəti olaraq yaşamaq hüququm var. zəhmət olmasa ətraflı məlumat verərdiniz.
Cavab:
Salam. Sualınız aydın deyil. Zəhmət olmasa sualınızı dəqiqləşdirin. Hüquqi məsləhətə ehtiyacınız varsa, bizimlə əlaqə saxlaya bilərsiniz. 498-79-31

İHHK-nın Hüquqi Yardım Mərkəzi
KAZIMOV ALI ZAUR OGLU
 11.11.2013
Sual:
NECE MANATA CIXIR
Cavab:
Salam. Sualınız aydın olmadığı üçün cavablandıra bilmirik. Zəhmət olmasa sualınızı dəqiqləşdirin.

İHHK-nın Hüquqi Yardım Mərkəzi
Murad Mammedov
 11.11.2013
Sual:
Salam birinci aile vezietimi teqdim edim menim 20 yasim var ailede 5 usaqiq 3 bacim aylelidir bir bacimin ise 13 yasi var atamda 2002 ci ilde rehmete gedib evde hec kim islemir hal hazirda ozumde pensiya aliram 2 ci qurup gozden elil 44 azen aliram atam rehmete gedennen sonra atasizdiqa gore hal hazirda 13 yasli bacima pensiya verirler 127 azen anamda islemir xesdedir dolana bilmirik men bilmek isdeyirdim ki bize elave yardim dusur ve ne qeder zehmet olmasa sualimi cavablandirin xahis edirem saqolun...
Cavab:
Salam. Siz aztəminatlı ailə kimi ünvanlı sosial yardım ala bilərsiniz. Bunun üçün yaşayış yeri üzrə Dövlət Sosial Müdafiə Mərkəzinə müraciət edin.

İHHK-nın Hüquqi Yardım Mərkəzi
Vüqar Muxtarov Vahid
 11.11.2013
Sual:
Salam.Mən, Muxtarov Vüqar Vahid oğlu 04 avqust 2006-cı il tarixdə Muxtarova (Abdullayeva) Elmira Yaşar qızı ilə rəsmi nikaha daxil olmuşam.07 noyabr 2006-cı il tarixdə birgə nikah dövründə birgə vəsaitimizlə Mingəçevir şəhəri Puşkin küçəsi bina 10, mənzil 5 ünvanından 2 otaqlı yaşayış evi almışıq.Yaşayış evinə çıxarış həyat yoldaşımın adınadır.Bundan başqa hər ikimiz işlədiyi üçün əmək haqlarımızdan yığılan artıq vəsaiti 2009-cu ilin dekabr ayından başlayaraq Beynəlxalq Bankın "Mingəçevir" filialına əmanət yığmışıq.Həyat yoldaşım uşaq olmadığı üçün mənim ondan nə vaxtsa ayrılacağımı bildirdiyi üçün onun məndən şübhəli qalmaması üçün bank əmanətini də həyat yoldaşımın adına qoymuşuq.Sonuncu dəfə həyat yoldaşım 09.12.2011-ci il tarixdə 18000 manat Beynəlxalq Bankın "Mingəçevir" filialına 4.4 %-lə 6 aylıq əmanət qoymuşdur.
Birgə nikahdan övladımız olmamışdır.Sonda 29-31 avqust 2011-ci il tarixdə süni mayalanma metodu ilə uşağa sahib olmaq üçün İran İslam Respublikasında "Madər" Klinikasında olmuşuq.Müayinə və analizlərdən sonra professor cərrah-ginekoloq Xanağa Pənahi süni mayalanma metodu ilə uşağa sahib olmaq şansımızın olmadığını bildirdi.Ancaq başqa donor qadının yumurtahüceyrəsi ilə mənim toxumumu mayalandırıb rüşeymi həyat yoldaşıma köçürmək yolu ilə uşağa sahib olma şansımızın 50 % olduğunu bizə bildirdi.Uşaq hər ikimizin toxumundan əmələ gəlmədiyi üçün mən buna razı olmadım, ağsaqqalların məsləhəti ilə mən yaxud həyat yoldaşım tərəfdən uşaq götürüb saxlamağı bildirdim.Həyat yoldaşım mənimlə razılaşmadı, məndən boşanacağını, başqa adamla evlənib həkim dediyi metodla uşaq əldə edəcəyini bildirdi.Biz mehriban yaşadığımız üçün onun bu sözlərinə inanmadım.
03.06.2012-ci il tarixdə evdə olan əmək haqlarımızdan yığılan 9000 manatdan 4000 manat, 11.06.2012-ci il tarixdə bankdan çıxardığı 18792 manatdan 3000 manat verərək mənim boşanma ərizəsi yazmağımı və mənzilimdən çıxmağımı dedi.Mən ondan boşanmaq fikrim olmadığını dedim, verdiyi pulları da götürüb əmək haqlarımızdan yığılan pulun üzərinə qoydum.Həyat yoldaşım 11.06.2012-ci il tarixdə 18792 manat bank əmanətimizi Beynəlxalq Bankın "Mingəçevir" filialından çıxarıb.
22.06.2012-ci il tarixdə mən işdə olarkən həyat yoldaşımın atası Abdullayev Yaşar Səməd oğlu yaşadığım mənzilin qapısının kilidini dəyişmişdir.Bunu işdən çıxıb evə gələrkən açar ilə qapını aça bilmədikdə qonşu mənə deyərkən bilmişəm.Bundan sonra həyat yoldaşıma zəng etdim, o da qapının kilidinin atası tərəfindən dəyişdirildiyini və onun boşanmaq üçün Yevlax rayon Məhkəməsinə ərizə ilə müraciət etdiyini, özünün atası evində yaşadığını bildirdi.
23.06.2012-ci il tarixdə atam Muxtarov Vahid Qara oğlu Mingəçevir şəhərinə gələrək Yaşar Abdullayev ilə görüşdü və qapını açaraq onun qızı ilə birlikdə yaşamağımızı təklif etdi.Yaşar Abdullayev qapını açmayaraq qızını boşatdıracağını deyərək çıxıb öz evinə getdi.Bundan sonra atam məcbur olaraq mənimlə birlikdə Mingəçevir şəhər Polis Şöbəsinin rəisi Ələsgər Bədəlovun qəbulunda oldu, həyat yoldaşımın atası Abdullayev Yaşar Səməd oğlunun qanunsuz əməlləri haqda rəisə məlumat verdi və bu haqda qanunamüvafiq qaydada ölçü götürülməsini tələb etdi.Rəis Ələsgər Bədəlov atama bu işin mülki iş olduğunu və Mingəçevir şəhər Məhkəməsinə müraciət etməyimi bildirdi.
Mən birgə nikah dövründə əldə olunan əmlakımızın bölünməsi və mənzilə köçürülməm haqda Mingəçevir şəhər Məhkəməsinə iddia ərizəsi ilə müraciət etdim.İddiamın həcmini artıraraq birgə nikah dövründə qazanılan bank əmanətimizin, birgə nikah dövründə qazanılan 6444 manat dəyərində qızıl-zinyət, elektrik, məişət-mebel avadanlıqlarının bölünməsini Məhkəmədən tələb etdim.
Mingəçevir şəhər Məhkəməsi 15 noyabr 2012-ci il tarixdə Qətnamə qəbul edərək 0002741 nömrəli, 23.11.2006-cı il tarixli Çıxarışa əsasən Elmira Abdullayevanın adına xüsusi mülkiyyət kimi hüquqi qeydiyyatdan keçirilmiş Mingəçevir şəhəri, A.S.Puşkin küçəsində istifadədə olan 0,05184 ha torpaq sahəsində yerləşən 10 nömrəli, 4 mərtəbəli binanın 1-ci girişində, 2-ci mərtəbəsində yerləşən 44,22 kv.m. ümumi, 30,86 kv.m. yaşayış sahəsindən ibarət 2 otaqlı 5 nömrəli mənzilin ½ hissəsinə Elmira Muxtarovanın, ½ hissəsinə isə mənim xüsusi mülkiyyət hüququmu tanıdı.
Şəki Apellyasiya Məhkəməsinin Mülki kollegiyasının (sədrlik edən Elbrus Məmmədov, hakimlər Namiq Məmmədov və Elman Rəhimov) 2(107)-200/2013 saylı, 10 aprel 2013-cü il tarixli qətnaməsi ilə Elmira Muxtarovanın və mənim ayrılıqda verdiyimiz apellyasiya şikayətlərimiz qismən təmin olunaraq Mingəçevir şəhər məhkəməsinin 15 noyabr 2012-ci il tarixli qətnaməsi ləğv edilmiş, yeni qətnamə çıxarılaraq ilk iddia tələbi 50 manat dəyərində bir ədəd videopleyerin dəyərinin yarısı olan 25 manat, 440 manat dəyərində bir ədəd “Siemens” markalı kondinsionerin dəyərinin yarısı olan 220 manat, 70 manat dəyərində bir ədəd “Bosch” markalı suqızdırıcının dəyərinin yarısı olan 35 manat, 80 manat dəyərində bir ədəd “Supermax” markalı peyk antenasının dəyərinin yarısı olan 40 manat, 60 manat dəyərində bir ədəd “Siemens” markalı telefonun dəyərinin yarısı olan 30 manat, 50 manat dəyərində olan bir ədəd ütü stolunun dəyərinin yarısı olan 25 manat, 600 manat dəyərində olan bir ədəd “Toshiba” markalı kompüterin dəyərinin yarısı olan 300 manat, 800 manat dəyərində bir ədəd Çar Rusiyasının pul vahidi olan 10-luq qızıl pulun dəyərinin yarısı olan 400 manat, 320 manat dəyərində bir ədəd “Siemens” markalı paltaryuyan maşının dəyərinin yarısı olan 160 manat, cəmi 1.235 manat pulun Elmira Muxtarovadan alınaraq mənə verilməsi hissəsində təmin edilmiş, Mənzilin ½ hissəsinə mənim mülkiyyət hüququmun tanınması və mənzilə köçürülməm, habelə bank əmanətimizin bölünməsi ilə bağlı qalan hissədə tələbim rədd edilmiş, qarşılıqlı iddia tələbim təmin olunmamışdır.




Apellyasiya instansiyası məhkəməsinin qanunsuz qətnaməsi ilə razılaşmadım, Azərbaycan Respublikası Ali Məhkəməsinin Mülki kollegiyasına kassasiya şikayəti verdim.

Apellyasiya məhkəməsi aşağıdakı “sübutlar”ı əsas gətirməklə Mənzilin dəyərinin Elmira Muxtarovanın atası Yaşar Abdullayev tərəfindən ödənilməsi nəticəsinə gəlmişdir:

1. Mənzilin satıcısı Xalidə Rüstəmovanın şahid ifadəsi.
2. Evdə təmir işləri aparmış ustaların şahid ifadələri.
3. 16 ədəd yüz ABŞ dolları əskinazının hər birinin nömrəsinin əks olunduğu A4 formatlı, əllə yazılmış siyahı.


(A) Apellyasiya məhkəməsi tərəfindən yol verilmiş prosessual hüquq pozuntuları.

1. Mənzilin satıcısı Xalidə Rüstəmovanın şahid ifadəsinin sübut qismində qəbulunun yolverilməzliyi.

Şahid Xalidə Rüstəmova Mənzili satarkən Yaşar Abdullayevi gördüyünü, Mənzilin pulunun ona E.Muxtarovanın atası Yaşar Abdullayev tərəfindən, özü də, hissə-hissə ödənildiyini bildirmişdir. Məhkəmə bu şahid ifadəsini sübut qismində qəbul etməklə eyni zamanda bir neçə kobud prosessual hüquq pozuntusuna yol vermişdir.

1.1. İş materiallarında 07 noyabr 2006-cı il tarixli, AN-I seriyalı, 0086188 nömrəli Daşınmaz əmlakın alqı-satqı müqaviləsi vardır. Mənzil həmin müqavilə əsasında əldə edilmişdir. Müqavilənin 4-cü bəndində göstərilir ki, Satıcı, yəni Xalidə Rüstəmova Mənzili 14.520 manata satmış, Alıcı, yəni Elmira Muxtarova isə həmin qiymətə almışdır. Müqavilənin 5-ci bəndində isə bu məsələyə tam aydınlıq gətirilmişdir: Alıcı evin bu müqavilənin 4-cü bəndində nəzərdə tutulan qiymətini nəqd şəkildə Satıcıya tam ödədi, Satıcı isə həmin məbləği bütünlüklə qəbul etdi. Müqavilənin sonuncu vərəqində satıcı Xalidə Rüstəmova və alıcı Elmira Abdullayevanın (Muxtarovanın) öz xətləri ilə yazdıqları ifadələr var: “Müqavilənin mətni iradəmə uyğundur”.

Beləliklə, pulun alıcı tərəfindən verilməsi notarial qaydada təsdiqlənmiş Müqaviləyə əsasən tam aydın olduğu halda, məhkəmənin hansı səbəbdən Xalidə Rüstəmovanın şahid ifadəsinə ehtiyac duyduğu qeyri-müəyyəndir. Başqa sözlə, X.Rüstəmovanın şahid qismində dindirilməsi qanunsuz olmuşdur. Azərbaycan Respublikası Mülki Prosessual Məcəlləsinin (bundan sonra - MPM) 76.3-cü maddəsinə görə qanunu pozmaqla əldə edilmiş sübutlardan istifadə olunmasına yol verilmir.

1.2. Mənzilin qiyməti və onun kim tərəfindən ödənilməsini təsdiq edən sübut alqı-satqı müqaviləsidir. Bu baxımdan şahid ifadəsi sözügedən halları təsdiq edən sübut qismində çıxış edə bilməz, əks halda, MPM-in 81-ci maddəsinin tələbi pozulmuş olar. Çünki MPM-in 81-ci maddəsinə görə qanuna və ya digər normativ hüquqi aktlara əsasən müəyyən sübutetmə vasitələri ilə təsdiq edilməli olan işin halları başqa sübutlarla təsdiq oluna bilməz.

1.3. Xalidə Rüstəmovanın şahid ifadəsi 07 noyabr 2006-cı il tarixli, AN-I seriyalı, 0086188 nömrəli Daşınmaz əmlakın alqı-satqı müqaviləsinə tam ziddir. Belə ki, Müqavilədə pulun Elmira Abdullayeva tərəfindən nağd şəkildə və bir dəfəyə verilməsi öz əksini tapmışdır, Müqavilə isə ümumiyyətlə mübahisələndirilməmişdir. X. Rüstəmova isə pulun Yaşar Abdullayev tərəfindən özü də hissə-hissə ödənildiyini bildirmişdir. Apellyasiya məhkəməsi isə bu hala ümumiyyətlə qiymət verməmişdir. Nəticədə MPM-in 88-ci maddəsinin tələbləri pozulmuşdur. Həmin maddəyə görə məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur.

2. Evdə təmir işləri aparmış ustaların şahid ifadələrinin sübut qismində qəbulunun yolverilməzliyi.

Apellyasiya məhkəməsi, X. Rüstəmovanın şahid ifadəsini sübut qismində qəbulu zamanı yol verdiyi prosessual hüquq pozuntularını Mənzili təmir etmiş ustaların şahid ifadələrini qəbul etməklə də eynilə təkrarlamışdır.

Lakin Apellyasiya məhkəməsi daha bir pozuntuya yol vermişdir. Belə ki, ustalar heç bir əsas olmadan Mənzilin təmir xərcinin – 500 (beş yüz) manat pulun Yaşar Abdullayev tərəfindən verildiyini bildirsələr də (hərçənd ki, təmir xərcinin 600 manat təşkil etməsi və həmin pulun Vüqar Muxtarov tərəfindən ödənilməsi şübhəsizdir), məhkəmə nədənsə bunu Mənzilin Yaşar Abdullayev tərəfindən alınmasını təsdiq edən sübut kimi qəbul etmişdir. Aydındır ki, təmir Mənzilin alınmasından sonra başlanmışdır, belə olan halda, ustaların şahid ifadəsi Mənzilin Yaşar Abdullayev tərəfindən alınmasını necə təsdiq edə bilərdi ki!? Mənzilin satıcısı ustalar, dəyəri də 500 manatdırmı ki, ustaların şahid ifadələri Mənzilin Yaşar Abdullayev tərəfindən alınmasını təsdiq etsin?!

3. 16 ədəd yüz ABŞ dolları əskinazının hər birinin nömrəsinin əks olunduğu A4 formatlı, əllə yazılmış siyahının (bundan sonra – Siyahı) sübut qismində qəbulunun yolverilməzliyi.

Yuxarıda qeyd edilənlər pozuntulara Siyahının sübut qismində qəbulu zamanı da yol verilmişdir.

Bundan başqa, məhkəmə qətnamənin təsviri hissəsində ümumiyyətlə Siyahının əslinin, yoxsa surətinin iş materiallarında olmasını göstərməmişdir. Digər tərəfdən, qətnamədə açıq hesab səhvinə yol verilmişdir; belə ki, qətnamədə “160 ədəd hər biri 100 ABŞ dolları olmaqla 1.600 ABŞ dolları” ifadəsinə yer verilmişdir, halbuki 160 ədəd hər biri yüzlük ABŞ dollarının cəmi 1.600 deyil, 16.000 ABŞ dolları edir.

Bundan əlavə, FƏRZ EDƏK ki, Siyahı sübut qismində qəbul oluna bilər. Bu halda, Siyahı cəmi 1.600 ABŞ dollarının Yaşar Abdullayev tərəfindən satıcı X. Rüstəmovaya verilməsi faktını təsdiqləyə bilərdi. Mənzilin dəyəri 14.520 manat təşkil etmişdir. Sual olunur: Siyahı Mənzilin dəyərinin Yaşar Abdullayev tərəfindən ödənilməsini necə təsdiq edə bilər?!

Avropa İnsan Hüquqları Məhkəməsi “Mahmudov Rusiya Federasiyasına qarşı” iş üzrə 26 iyul 2007-ci il tarixli Qərarında göstərmişdir ki, “konvensiya prosedurları çərçivəsində sübutlar qiymətləndirilərkən bir qayda olaraq affirmanti, non neganti, incumbit probatio (sübut etmək yükü təkzib edənin deyil, iddia edənin üzərinə düşür) prinsipi rəhbər tutulur. Sübut kifayət qədər güclü, aydın və bir-birinə uyğun qənaətlərin həm mövcudluğundan, həmçinin təkzib olunmaz oxşar fakt ehtimallarından irəli gələ bilər” (§68).

Avropa İnsan Hüquqları Məhkəməsi “Qavazov Bolqarıstana qarşı” iş üzrə 06 mart 2008-ci il tarixli Qərarında göstərmişdir ki, “məhkəmə sübutları qiymətləndirərkən, bir qayda olaraq, “əsaslı şübhədən kənar” sübut standartları tətbiq edilir” (§93).

(B) Apellyasiya məhkəməsi tərəfindən yol verilmiş maddi hüquq pozuntuları.

1. Yuxarıda göstərilənlərdən birmənalı aydın olur ki, apellyasiya məhkəməsi tərəfindən yol verilmiş çoxsaylı prosessual hüquq pozuntuları ilk iddiaçı Vüqar Muxtarovun mülkiyyət hüququnun kobud şəkildə pozulması ilə nəticələnmişdir. Çünki, Mənzilin birgə nikah dövründə, özü də tərəflərin ümumi gəliri hesabına əldə edilməsi işin mübahisəsiz halıdır. Apellyasiya məhkəməsinin bu mübahisəsiz halı şübhə altına almağa yönəlmiş dəlilləri yuxarıda göstərilən səbəblərdən tamamilə əsassız və qanunsuzdur.

Azərbaycan Respublikası Ailə Məcəlləsinin (bundan sonra - AM) 32.1-ci maddəsinə görə nikah müddətində ər-arvadın əldə etdikləri əmlak onların ümumi birgə mülkiyyəti sayılır.

AM-in 32.2.2-ci maddəsinə görə ər-arvadın ümumi birgə mülkiyyətinə ər-arvadın ümumi gəlirləri hesabına əldə edilən daşınar və daşınmaz əşyalar, qiymətli kağızlar, kredit idarələrinə və ya sair kommersiya təşkilatlarına qoyulmuş paylar, əmanətlər, kapitaldan olan paylar və əmlakın ər-arvaddan kimin adına əldə olunmasından, yaxud əmanətin kimin adına və ya kim tərəfindən qoyulmasından asılı olmayaraq nigah dövründə ər-arvadın qazandığı hər hansı sair əmlak daxildir.

AM-in 37.1-ci maddəsinə görə ər-arvad arasındakı müqavilədə başqa hal nəzərdə tutulmayıbsa, onların ümumi əmlakının bölünməsi zamanı bu əmlakdakı payları bərabər hesab edilir.

Göründüyü kimi, apellyasiya məhkəməsi tərəfindən AM-in 32.1, 32.2.2, 37.1-ci maddələrinin tələbləri, habelə Vüqar Muxtarovun mülkiyyət hüququ pozulmuşdur.

Beləliklə, yuxarıda qeyd edilənlər apellyasiya məhkəməsi tərəfindən maddi və prosessual hüquq pozuntularına yol verildiyini təsdiq edir. Bu pozuntular Vüqar Muxtarovun mülkiyyət hüququnun (daha doğrusu, əmlakından qanunsuz olaraq məhrum edilməsi) və ədalətli məhkəmə araşdırması hüququnun pozulması ilə nəticələnmişdir.


Qeyd edilənlər MPM-in 418.1-ci maddəsinə müvafiq olaraq apellyasiya instansiyası məhkəməsinin qətnaməsinin kassasiya qaydasında ləğv olunması üçün əsasdır.

MPM-in 386-cı maddəsinə görə maddi hüquq normaları o halda pozulmuş və ya düzgün tətbiq olunmamış hesab edilir ki, birinci instansiya məhkəməsi hüququn tətbiq edilməsində səhv buraxsın, tətbiq edilməli olan qanunu və ya digər normativ hüquqi aktı tətbiq etməsin, yaxud qanunu səhv təfsir etsin.

AR MPM-in 417.1.4-cü maddəsinə görə kassasiya məhkəməsi işə baxarkən apellyasiya instansiyası məhkəməsinin qətnamə və ya qərardadını tamamilə, yaxud qismən ləğv edib apellyasiya instansiyası məhkəməsində müəyyən edilmiş hallar və sübutlar əsasında yeni qərar qəbul edə bilər.

Qeyd edilənlərə əsasən və AR MPM-in 417.1.4-cü maddəsini rəhbər tutaraq

X A H İ Ş E D İ R İ K:

Şəki Apellyasiya Məhkəməsinin Mülki kollegiyasının (sədrlik edən E.Məmmədov, hakimlər N.Məmmədov və E.Rəhimov) 2(107)-200/2013 saylı, 10 aprel 2013-cü il tarixli qətnaməsinin qismən, yəni ilk iddia tələbinin təmin olunmamasına dair hissədə ləğv edilməsi və ilk iddia tələbinin həmin hissədə də təmin olunması haqqında yeni qərar qəbul edəsiniz.






Azərbaycan Respublikası Ali Məhkəməsinin Mülki kollegiyası hakim Bağırov Əsəd Həbib oğlunun sədrliyi ilə 03.09.2013-cü il tarixdə kassasiya şikayətimə 10 dəqiqə ərzində baxaraq niyə həyat yoldaşının ev almağına, bank əmanətinizin onun adına qoyulmasına razı olmusan deyərək müşavirə otağına getdi və Şəki Apellyasiya Məhkəməsinin Mülki kollegiyasının 2(107)-200/2013 saylı, 10 aprel 2013-cü il tarixli qətnaməsini dəyişdirilmədən qüvvədə saxladı.

Ali Məhkəmənin tam qanunsuz olan yekun Qərarından sonra mənə qarşı olunan qanunsuzluqları, Yaşar Abdullayev Səməd oğlunun və qızı Elmira Muxtarovanın (Abdullayeva) zorakılıq, oğurluq, quldurluq yolu ilə birgə nikah dövründə qazandığımız əmlakları ələ keçirmələrini, məhkəmə hakimlərinin isə Qanunları tanımamalarını, Azərbaycan Respublikası Konstitusiyasında göstərilən vətəndaş hüquq və azadlıqlarımın kobud surətdə tapdalanaraq pozulduğunu əsas tutaraq Azərbaycan Respublikası vətəndaşlığından imtina etməyim haqda Azərbaycan Respublikasının Prezidenti İlham Əliyevə 09.09.2013-cü il tarixdə ərizə ilə müraciət etmişəm.

Nəhayət, 22.10.2013-cü il tarixdə Azərbaycan Respublikası Ali Məhkəməsinin Aparatından mənə cavab gəldi.Məktubun mətni aşağıdakı kimidir:
Azərbaycan Respublikası Prezidentinin Administrasiyasından Ali Məhkəməyə daxil olmuş ərizənizə baxıldı.
Müəyyən edildi ki, Sizin tərəf qismində iştirak etdiyiniz mülki işə Ali Məhkəmənin MK-da 03 sentyabr 2013-cü il tarixində baxılmış, Şəki Apellyasiya Məhkəməsinin 10 aprel 2013-cü il tarixli qətnaməsi dəyişdirilmədən saxlanılmışdır.
İzah edirik ki, kassasiya instansiyası sonuncu məhkəmə instansiyasıdır.
Onun qərarından yalnız MPM-nin 424-cü maddəsində nəzərdə tutulan əsaslar olduğu təqdirdə, tərəflərin həmin Məcəllənin 67.1, 422-426-cı maddələrin müddəalarına riayət etməklə 2 ay müddətində Ali Məhkəmənin Plenumuna əlavə kassasiya şikayəti vermək hüququ vardır.


Ali Məhkəmənin Qərarından 2 aydan çox zaman keçməsinə baxmayaraq 03 sentyabr 2013-cü il tarixli Qərar hələ də mənə göndərilməmişdir. Halbuki, Azərbaycan Respublikası Mülki prosessual məcəlləsinin 419.3-cü maddəsinə görə qərar qəbul edildiyi gündən 1 ay müddətində, işdə iştirak edən şəxslərə sifarişli məktubla göndərilməli və yaxud qəbz alınmaqla təqdim edilməlidir. Bu hal bir daha Qanunsuzluğun hökm sürdüyünü təsdiqləyir.



Birgə nikah dövründə qazanılan əmlaklarımızın 2 otaqlı mənzilimizin, 18792 manat bank əmanətimizin, mənzilimizdə olan əmək haqlarımızdan yığılan 9000 manat pul vəsaitimizin, birgə nikah dövründə qazandığımız 6444 manat dəyərində qızıl-zinyət əşyaları, elektrik, məişət-mebel avadanlıqlarının qanunsuz yollarla Yaşar Abdullayev Səməd oğlu və qızı Elmira Muxtarova (Abdullayeva) tərəfindən ələ keçirilməsi ilə bağlı Məhkəməyə müraciət etdiyimə baxmayaraq Məhkəmə hakimləri Qanunları tanımayaraq məni əmlaklarımdan məhrum edərək çöldə qoymuşdur.Yaşar Abdullayev Səməd oğlu və qızı Elmira Muxtarovanın (Abdullayeva) qanunsuz əməlləri nəticəsində 22.06.2012-ci il tarixdən mənzilimə daxil ola bilməyərək çöldə qalmışam.
Yaşar Abdullayev Səməd oğlu mənimlə Elmira Muxtarova (Abdullayeva) arasında boşanma, əmlakın bölünməsi haqda Məhkəmə qətnaməsi olmadan 22.06.2012-ci il tarixdə mənzilimin qapısının kilidini dəyişərək evimdəki pulu, qızıl-zinyət əşyalarını, məişət avadanlıqlarını oğurlamış, məni çöldə qoymuşdur.Bu cinayət deyilmi?
Elmira Muxtarova (Abdullayeva) onun adına Beynəlxalq Bankın “Mingəçevir” filialına yığdığımız 18792 manat əmanəti 11.06.2012-ci il tarixdə Bankdan çıxararaq mənimsəmişdir.Bu cinayət deyilmi?
Yaşar Abdullayev Səməd oğlu, Elmira Muxtarova (Abdullayeva) Məhkəmə iclaslarında iştirak etdilər.Onlar cinayət əməlləri ediblər, nə üçün onlar haqda cinayət işi açılmadı?
Mən şərəf və ləyaqətimi həmişə hər şeydən üstün tutmuşam.Mən bu vəziyyətdə çöldə yaşaya bilmərəm.Hazırda Azərbaycanda xarici ölkələrin 50-dən artıq səfirlik və konsulluqları fəaliyyət göstərir.Onlara müraciət edib sığınacaq almaq istəyirəm.Xahiş edirəm, mənə kömək edəsiniz.
Cavab:
Salam. Azərbaycan Respublikasının Ailə Məcəlləsinə əsasən, ümumi birgə nikah dövründə əldə olunmuş gəlirlər hesabına əldə olunmuş əmlak, tərəflər arasında başqa qayda nəzərdə tutulmadıqda bərabər bölünləlidir.
Qeyd edək ki, siz bununla bağlı Avropa İnsan hüquqları məhkəməsinə müraciət edə bilərsiniz.

İHHK-nın Hüquqi Yardım Mərkəzi
Ismayilova nermin neriman qizi
 11.11.2013
Sual:
Men bosanmaq istayiram .nesimi rayonunda qeydiyyatdayam.amma hara gedacayimive na sanat yigacagimi bilmiram.
Cavab:
Salam. Əgər tərəflərdən biri razı deyilsə və yetkinlik yaşına çatmayan uşaqlar olduqda, nikah məhkəmə qaydasında pozulur. Bunun üçün iddia ərizəsi, nikah haqqında şəhadətnamə, uşağların doğum haqqında şəhadətnamənin surəti və digər sənədlərlə cavabdehin qeydiyyatda olduğu rayon (şəhər) məhkəməsinə müraciət edə bilərsiniz. Əgər hüquqi məsləhətə ehtiyacınız olarsa, bizimlə əlaqə saxlaya bilərsiniz. 012-498-79-31

İHHK-nın Hüquqi Yardım Mərkəzi
emil
 10.11.2013
Sual:
meni ozel sirket esassiz isden cixarib.
ve meni isden cixaran sexs edliyye paqonu dasiyir
Sual edliyye iscisi ozel sektorda her hansi isle ve biznesle mesgul ola bilermi?
Ve esassiz sekilde meni isden cixardigina gore emek mufetttisliyi hansi addimi atmalidir
Muraciet etmisem
Bir aydan artiq vaxt kecir buda qanun pozuntusu deyilmi?
Cavab:
Salam. Azərbaycan Respublikasının " Ədliyyə orqanlarında qulluq keçmə haqqında" Qanunun 11.1-ci maddəsində göstərilir ki, ədliyyə orqanlarının işçisi heç bir seçkili və ya digər təyinatlı vəzifələr tuta bilməz, elmi, pedaqoji və yaradıcılıq fəaliyyətindən başqa heç bir sahibkarlıq, kommersiya və digər ödənişli fəaliyyətlə, həmçinin siyasi fəaliyyətlə məşğul ola və siyasi partiyalara üzv ola bilməz.

İHHK-nın Hüquqi Yardım Mərkəzi
sardar,kerimov,hikmet
 10.11.2013
Sual:
salam men baki sheherinde hovsan qesebesinde qeydiyyatdayam yoldashim salyan rayonunda qeydiyyatdadir yeni aile qurmusham ve yoldashimi oz qeyditima salmaq isteyirem men ne senened teqdim etmeliyem? xahish edirem sualimi cavblandirasiniz.
Cavab:
Salam. Bunun üçün mülkiyyətçisi olduğunuz daşınmaz əmlakın çıxarışı, sizin razılıq ərizəni, tərəflərin şəxsiyyət vəsiqəsi və dövlət rüsumun ödənilməsi barədə qəbzi qeydiyyatda olduğunuz rayonun Polis İdarəsinə müraciət edə bilərsiniz.

İHHK-nın Hüquqi Yardım Mərkəzi
Bagirova Mehin
 09.11.2013
Sual:
Salam.Biz yoldashimla boshanmaq qerari vermishik.3otaqli evimiz var,yoldashimin adina .bu evde qeydiyyatda deyilem.2evladimla atamgile prapiskadayam/1 de dovernest vermishdim yoldashima 2 ay once /..mene nese ev dushur?yoldashimin adina olan evden?spasibo/
Cavab:
Salam. Azərbaycan Respublikasının 228-ci maddəsinə əsasən, mülkiyyətçinin ailə üzvlərinin mülkiyyətçiyə məxsus əmladdan istifadə etmək hüququ vardır. Yəni sizin və uşaqlarınızın həmin mənzildən istifadə hüququnuz vardır. Lakin etibarnaməni nə üçün vermisiz?

İHHK-nın Hüquqi Yardım Mərkəzi
REHİMOVA JALƏ
 09.11.2013
Sual:
Salam.Menim adima 3 otaqli menzilim var.Telefon çəkdirmeye gore 3 il bundan önce Yoldaşimin adina etibarname vermişem 25 illik.Orada her bir ishleri gormeyi,menim evezime senedleri imzalamaq,..ve s.cox şey yazilmişdi.İndi münasibetlerimiz pozulub..O bu etibarnameden menim eleyhime istifade edib menzili adina kecire biler?Men neyleye bilerem ki,bu etibarname yararli sayilmasin?nese elemek olarmi?Onceden teshekkurler
Cavab:
Salam. Bəli, notariusa müraciət edərək, həmin etibarnaməni ləğv elətdirə bilərsiniz.

İHHK-nın Hüquqi Yardım Mərkəzi
nebi
 09.11.2013
Sual:
ozel muhavize xidmeti ucun hansi senedler lazimdir
Cavab:
Salam. Biz bunu konkret deyə bilmərik. Zəhmət olmasa həmin firmaya müraciət edin.

İHHK-nın Hüquqi Yardım Mərkəzi
Axundov Fuad Anvar
 09.11.2013
Sual:
salam manim anamin uc manzili var.hamisida oz adinadi.mana o evlardan pay dusur?mana deyir mandan ev istasan sani ovladliqdan silacam.ozum ailaliyam 2 ovladim var.man neylaya bilaram?
Cavab:
Salam. Azərbaycan Respublikası Qanunvericiliyində övladlıqdan çıxarma kimi bir hal mövcud deyil. Bəli, sizin həmin mənzillərdən istifadə etmək, yəni yaşamaq hüququnuz vardır. Valideynlər rəhmətə getdikdən sonra isə vərəsə kimi pay almaq hüququnuz vardır.

İHHK-nın Hüquqi Yardım Mərkəzi
Namazov Zaur Vladim oglu
 09.11.2013
Sual:
Salam 2 aydı ki ev almışam anamın adına cıxarış almişam artıq,hasan xidmetden sadece onu bilmk isteyirem ki isiq, qaz,su, aftomatik anamin adina kecir?
yoxsa men birbir getmeliyem sözü geden idarelere birinci defedir ev alqı satqisi ile mesqul olyran mne bu barede kömeklik kösteresiniz
Cavab:
Salam. Mənzil kimin mülkiyyətidirsa, bütün komunal xərclər həmin şəxsin adına gələcəkdir.

İHHK-nın Hüquqi Yardım Mərkəzi
Sixiyeva Gulsen Hacbaba
 09.11.2013
Sual:
Men bosanmisam 2 usaqim usaqlara atam Guilin gomeyi lie baxiram isleyirem ata hec bilmirki usaqlari hardadi ne yeyir ne icir hec alimente vermir.men xarici olkeye getmek istiyirdim gede bilmedim mene dedilerki atanin etibarnamesi lazimdi indi zehmet olmasa deyin men niye bele atadan etibarname almaliyam basqa yol yoxdu axi onun usaqlardan xeberi yoxdu xais eliyirem komey edin
Cavab:
Salam. Əgər ata uşaqlarla maraqlanmırsa və ya aliment ödəməkdən imtina edirsə, siz məhkəmə qaydasında həmin şəxsi atalıq hüququndan məhrum etdirdikdən sonra uşaqların başqa ölkəyə aparılması zamanı etibarnamə tələb edilməyə bilər.

İHHK-nın Hüquqi Yardım Mərkəzi
Ramin Eliyev Eldeniz
 09.11.2013
Sual:
Salam.piyada kecidinden.istifade etmeyib yoldan kecdiyimcun 18manat cerimeni odemesen ne ceza verecekler? protokolda yazilibki 1aya odemesen her gune gore 2% gelir.3aya odemesen suruculuk huququndan mehrum olunur.men piyadayam.suruculuk vesiqem yoxdusa ne olacaq? evvelden tesekkurler
Cavab:
Salam. Azərbaycan Respublikasının Qanunvericliyinə əsasən, həmin faizlər hesablanacaq. Siz ödəmədiyiniz tədqirdə onu məcburi icraya yönəltməklə sizin əmlakınızdan tutulması qərara alınacaq.

İHHK-nın Hüquqi Yardım Mərkəzi
kamran Cahangirov
 08.11.2013
Sual:
salam.Men ll qrup herbi elilem.2002 ci ilden 2008 ci iledek gizir herbi rutbesinde xidmet elemisem.2008 ci ilde xesteliyimle elaqedar ordudan texris olunmisam.Hal-hazirda xesteliyim daha da irelileyib mualice olunuram.Bilmek isteyirdim ki,mene dovlet terefinden mualice ucun konpensiyasiya vereilmelidir? verilirse hara muaricet etmeliyem.
Cavab:
Salam. Siz əlilik dərəcəsi üzrə sosial müavinət almaq hüququnuz vardır. Bundan başqa aztəminatlı ailəsinizsə, ünvanlı sosial yardım almaq hüququnuz vardır.

İHHK-nın Hüquqi Yardım Mərkəzi
Anar Nesirov Adil oglu
 08.11.2013
Sual:
Salam. Sualim yeni dogulmus usaga dogum sehadetnamesinin alinmasi ile baglidir. Bunun ucun edliyye nazirliyinin baki seheri uzre Nizami rayon qeydiyyat sobesine muraciet etdim(ozum bu rayonda qeydiyyatdayam), teqdim etdiyim butun senedlerin qaydasinda oldugunu bildirdiler. Ama saglamliq haqqinda arayis teleb etdiler. Bu ne derecede dogrudur? Qeyd edim ki usagin dogum tarixi 29.06.2013-cu ildir.
Cavab:
Salam. Sağlamlıq haqqında arayış dedikdə yəqin ki, uşağın doğulduğu xəstəxanadan verilən arayışı nəzərdə tutublar. Bundan başqa qanunvericilikdə hər hansı arayış nəzərdə tutulmamışdır. Ancaq qeyd edək ki, doğum haqqında şəhadətnamə 1 ay müddətində alınmazsa, qanunvericliklə cərimə ödənilməsi nəzərdə tutulmuşdur.

İHHK-nın Hüquqi Yardım Mərkəzi
Mushfiq Teymurov
 08.11.2013
Sual:
salam menim torpagimin reystrdan cixarisi var. hemen torpagda men 3 ildir ev tikmiwem.indi icradan gelibler ki ev qanunsuzdu sokulmelidir.men ne etmeliyem?
Cavab:
Salam. Siz aşağıda qeyd olunana sənədlərlə Daşınmaz Əmlakın Dövlət Reyestri Xidmətinin ərazi idarəsinə müraciət edərək, mənzil üzərində mülkiyyət hüququnu tanıtmaqla çıxarış əldə edə bilərsiniz.
1.ərizə;
2.torpaq sahəsinin ayrılmasına dair şəhər (rayon icra hakimiyyətinin sərəncamının və ya XDS-nin (ZDS-nin) qərarının təsdiq edilmiş surəti, zəruri hallarda sərəncamın (qərarın) arxivdən çıxarışı və torpaq sahəsinin ayrıc aktı (planı), torpaq sahəsinin planı və ölçüsü;
və ya
3.bələdiyyənin qərarı, torpaq sahəsinin planı və ölçüsü, torpaq sahəsinin ayrıc aktı (planı) və arxiv arayışı, DTXK və bələdiyyə tərəfindən təsdiq edilmiş alqı-satqı aktı (01.12.2007-ci il tarixdən sonra isə hərrac protokolu və ya hərracın nəticələrinə uyğun olaraq bağlanmış alqı-satqı müqaviləsi);
və ya
4. torpaq sahəsi üzərində ərizəçinin mülkiyyət hüquqlarını təsdiq edən şəhadətnamə və ya dövlət reyestrindən çıxarış;
5. tikilinin yerli icra hakimiyyəti orqanının memarlıq xidməti tərəfindən təsdiq edilmiş layihəsi;
6.tikilinin istismara qəbul aktı və ya tikilinin istismara yararlı olduğu və ərizəçinin tikili üzərində hüquqlarının qeydiyyata alınması barədə yerli icra hakimiyyəti orqanının sərəncamı (hündürlüyü 12 m-dən az olan binalar üçün), hündürlüyü 12 m-dən artıq olan binalar üçün ekspertiza rəyi;
7.dövlət rüsumunun ödənilməsi barədə qəbz.

İHHK-nın Hüquqi Yardım Mərkəzi
Meherremov Firdovsi Fikret
 08.11.2013
Sual:
Salam.nece bilmek olarki yoldasim meni mehkemeye verib ya yox.qanuni yolla.evvelceden tesekkurler
Cavab:
Salam. Əgər məhkəməyə iddia ərizəsi verilibsə, bununla bağlı sizə məhkəmədən bildiriş gələcəkdir.

İHHK-nın Hüquqi Yardım Mərkəzi
aybeniz kucuker seylan
 08.11.2013
Sual:
salam.bilmek isteyirem texpasporta veya bina mugavilesine gore obyekte kupca almag olarmi?hansi senedlerve ne geder texmini rusum odemeliyem?cox sag olun.
Cavab:
Salam. Sualınız aydın deyil.Zəhmət olmasa dəqiqləşdirin. Bina müqaviləsi dedikdə, nəyi nəzərdə tutursunuz?

İHHK-nın Hüquqi Yardım Mərkəzi
MEMMEDOV RAMIN ASIF OGLU
 08.11.2013
Sual:
Salam Aleykum.Men 07 yanvar 2013-cu il tarixde Gence weheri Nizani rayon mehkemesinde yoldawimdan ayrilmiwam.18 ayliq korpe oglum anasi ile qaldi.Mene ise sabit pul mebleginde 40 (qirx) manat aliment kesib onlara vermeyimi qerara aldilar.Mende her ay hemin meblegi Icra qrupu vasitesi ile gondermiwem.meni yeniden mehkemeye verib uwaq ucun ayda 100(yuz) manat,uwagin 3(uc) yawina qeder ozu ucun 150(yuz elli) manat vermeyim barede iddia erizesi ile mehkemeye muraciet edib.Bu gun prosese ilkin baxiw kecirildi.mende qonwu kendde ,yawadigim kendden 12 km uzaqda idman muellimi iwlwyirem.Ayliq maawim ise 180(yuz seksen)manatdir.cemi hesablanan men aldigim ise 163(yuz altmiw uc)manatdir.Bariwmagimiz ise onlarin dediklerine gore mumkun deyil.Mende Hakime iddia erizesine etiraz mektubu yazib vereceyim alimentin A.M.nin 76.1.bendine esasen ayliq maawimin 1/4 misli (25%)miqdarinda olmasini xahiw etdim.Bawqa yerde iwlemirem,elave gelirim yoxdur.xahiw edirem mene cavab veresiniz men hansi meblegde aliment vermeliyem.
Cavab:
Salam. Azərbaycan Respublikasının Ailə Məcəlləsinin 76.2-ci maddəsinə əsasən, Bu payların miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər.
Həmin Məcəllənin 85.1-ci maddəsinə əsasən,
85.1. Aşağıdakı şəxslər nikah pozulduqdan sonra məhkəmə qaydasında buna zəruri vəsaitə malik olan keçmiş ərdən (arvaddan) aliment ödəməyi tələb etmək hüququna malikdirlər:
85.1.1. hamiləlik dövründə və ümumi uşaqlarının doğulduğu gündən 3 il ərzində keçmiş arvad;

İHHK-nın Hüquqi Yardım Mərkəzi
Zəkiyeva Mətanət Əjdər qızı
 08.11.2013
Sual:
2012-ci ilin avqustunda Mədə xərcəngindən rəhmətə getmiş atamın bag evi və torpaq sahəsinin vəsiyyətnamə üzrə ,orderlə alınmış evinin qanun üzrə vərəsələrindən biriyəm.İlk 3 ay ərzində vərəsəliklə bağlı notariusa müraciət etsəm də yaşlı anamı prosedurla bağlı mütəəsir etməmək üçün vərəsəlik şəhadətnaməsini hələ almamışam.atamın xəstəliyi dövründə əməliyyata və müalicəyə qardaşım heç bir dəstək göstərməyib nə maddi nə mənəvi.əksinə vaxtaşırı həm atamın həm də bizim üzərimizə hücum çəkirdi.indi qanunun bizə verdiyi huquqlardan istifadə etməyə imkan vermir. nə etməliyəm?Ona qarşı ləyaqətsiz vərəsə kimi ittihamla iş qaldırmaqla özümüzü qoruya bilərikmi?bunun üçün hansı sənədlər lazımdır?
Cavab:
Salam. Azərbaycan Respublikasının Mülki Məcəlləsinin 1137-ci maddəsinə əsasən, miras qoyanın son iradəsini həyata keçirməsinə qəsdən maneə törətmiş və bununla da özünün və ya özünə yaxın şəxslərin vərəsəliyə çağırılmasına və ya miras paylarının artırılmasına kömək göstərmiş, yaxud vəsiyyət edənin vəsiyyətnamədə ifadə edilmiş son iradəsinə qarşı qəsdən cinayət və ya digər əxlaqsız hərəkət törətmiş şəxs (ləyaqətsiz vərəsə) nə qanun üzrə, nə də vəsiyyət üzrə vərəsə ola bilməz, bu şərtlə ki, həmin hallar məhkəmə tərəfindən təsdiq edilsin. Ona görə də siz bununla bağlı məhkəməyə müraciət etməlisiniz.

İHHK-nın Hüquqi Yardım Mərkəzi
turkan
 08.11.2013
Sual:
Salam menim size sualim odurki men usagimi atasina gostermek istemirem bu is uzre isimiz mehkemededi men bilmek istediyim odurki men huququmu nece teleb ede bilerem ki usagimi gostermeyim buna huququm varmi?cunki aleye etibar ede bilmirem aile terbiyesiz ailedi burada bir usagin taleyini terbiyesinin pozulmasinan sohbet gedir men usagimin geleceyini tehluke altina ata bilmerem sizce men ne edim?men size Gence seherinden yaziram burda hakimler duzgun qerar qebul etmir men bosanan zaman hakim mene hede qorxu geldi usagi elimden almaqla bagli ve aliment sene dusmur qebul edirsen et etmirsense sene vapse alimet kesilmeyecek sizce hakimin bu sozleri demeye ne qeder huququ var neye dayanaraq mene bele deyir?ve bilmek isteyirem ki menim usaqla bagli mehkemem 15 sinde olaca men burda nece edim haqqimi huququmu teleb edim ne olar xahis edirem mene komemklik gosterin.Evelceden tesekkur edirem.
Cavab:
Salam. Azərbaycan Respublikasının Ailə Məcəlləsinə əsasən, validenlərin uşaq üzərində hüquqları bərabərdir. Yəni, uşaq anada qalsa belə atanında hüquqları qorunmalıdır. Həmçinin Məcəllədə birbaşa atanın, baba və nənənin uşaqla ünsiyyət hüququ olması qeyd olunmuşdur. Buna görə də, siz atanın ünsiyyət hüququnu poza bilməzsiniz.
Qeyd edək ki, yekun qərarı məhkəmə verdiyi üçün sizə konkret cavab verə bilməyəcəyik.

İHHK-nın Hüquqi Yardım Mərkəzi
almaz abdullayeva bahadur qizi
 08.11.2013
Sual:
men bir vetendas kimioz huquqlarimi teleb etmek isteyirem xais edirem menim bu yazdiqimi nezere alasiz menim sikayetim unvanli sosial yardimnandir qaynar xete zeng eledim mene etinasiz cavab verdiler axi bele olmaz xais edirem bu haqda bir tedbir goresiz
Cavab:
Salam. Şikayət ərizə ilə Əmək və Əhalinin Sosial Müdafiəsi Nazirliyinə müraciət edə bilərsiniz.

İHHK-nın Hüquqi Yardım Mərkəzi
RAMIN MEMMEDOV ASIF
 08.11.2013
Sual:
MEN YOLDASHIMLA AYRILMISHAM BIR 18 AYLIQ OGLUM VAR ANASI SAXLAYIR.MEHKEME SABIT PUL MEBLEGINDE 40(QIRX) MANAT ALIMENT KESIB MENDE HER AY VAXTINDA HEMIN MEBLEGI ODEMISHEM.MUELLIM ISHLEYIREM AYLIQ MAASHIM 180(YUZ SEKSEN) MANATDIR.MENI YENIDEN MEHKEMEYE VERIB MENDEN HER AY USHAQ UCUN 100 MANAT OZU UCUN 150 MANAT ALIMENT VERMEYIMI TELEB EDIR.BU MUMKUNDURMU.MEN NE QEDER ALIMENT VERMELIYEM.AM.nin 76.1.maddesine gore emek haqqimin 1/4 mislini (25 faizini).EVVELCEDEN MINNETDARLIGIMI BILDIRIREM.
Cavab:
Salam. Azərbaycan Respublikasının Ailə Məcəlləsinin 76.2-ci maddəsinə əsasən, Bu payların miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər.
Həmin Məcəllənin 85.1-ci maddəsinə əsasən,
85.1. Aşağıdakı şəxslər nikah pozulduqdan sonra məhkəmə qaydasında buna zəruri vəsaitə malik olan keçmiş ərdən (arvaddan) aliment ödəməyi tələb etmək hüququna malikdirlər:
85.1.1. hamiləlik dövründə və ümumi uşaqlarının doğulduğu gündən 3 il ərzində keçmiş arvad;

İHHK-nın Hüquqi Yardım Mərkəzi
<<< geri | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 | irəli >>>